الجيش الجيش الجيش 

ما اروعك ما اجملك الجيش بيزيد اعجابى بيه كل يوم طريقته فى التعامل مختلفه تماما عن النظام السابق بيتعامل معانا بالطريقه اللى نفهما مش بالطريقه اللى يفهما هو بدا الموضوع باالرسايل على الموبيلات وبعد كده عمل صفحه على الفيس بوك وبيخاطب الناس منها ولما طلبنا العفو عن الظابط احمد شومان ما اعترضوش مع انى كنت متوقع غير كده عشان الجيش فى نظام شديد مفهوش هزار طبقوا روح القانون وراعوا ان الظابط عمل كده عشان بيحب مصر وعشان عارفين انه اختار الجبهه الصح  ولفتوا انتبهنا لان دا مخالف لنظام الجيش بطريقه محترمه 

يا سلام حاجه اخر جمال الرقى فى التعامل اللى بنا وبين الجيش ربنا يخليكم لمصر وتفضلوا حماتها على طول من كل شر

الحمد لله الحمد لله الحمد لله انتصرت ارادتنا ورجل مبارك بلا عوده تانى هو واتباعه بالرغم من لسه فيه شويه فران عاوزين نخلص منهم خلاص خلصت الحدوته اللى بقالها 30 سنه .

ربنا يرحمه الشهداء ويغفر لهم ويسكنهم فسيح جناته وان شاء الله حقهم مش هيضيع ورحيل مبارك كان اول خطوه عشان ناخد حقهم بس لسه الحساب لكل اللى ساهم فى كده.

 

ياااااااااااااااااااااااااااه ايام جميله بنعشها ايام مفهاش خوف احنا اللى بنتكلم والكلمه كلمتنا واللى عاوزينه بيحصل واللى لسه محصلش هيحصل برده غصب عن اى حد كان نفسى اكون فى مصر هتجنن خلاص مش قادر استحمل الجو هنا جو الثورة والحرية مشتاق اشم ريحته والمسه باديا واشوفه بعنيا ياااااااااااااااااااااري النصر على عكس ما فى ناس كتير الوقتى شايفه ان التحرير كل اللى بيروحه رايحين يتفسحوا انا مش حاسس بكده حاسس بكل واحد هناك قاعد مبيروحش حاسس بكل حركه بتحصل بحاول كتير اتخيل اللى بيحصل هناك من كلام الناس واللى بشوفه فى التلفزيون بس زى ما بيقولوا اللى شاف مش زى اللى سمع

واللى هيجننى اكتر كل ما حد يروح التحرير يا يفضل هاك ميرجعش يا يرجع شخص تانى يا بختكم يا اللى فى التحرير بتكتبوا التاريخ باديكم زى ما انتوا عاوزين ااااااااااااااااااااااااااااااااااااااااه مصر بتتغير وانا مش عارف انزل ياااااااااااااااارب انزل قريب يااااااااااااااااااارب

بكره معاد المظاهرات الملونيه ربنا يسترها لان محدش عارف اللى ممكن يحصل بكره والامور توصل لحد قلق قلق قلق قلق قلق  دا اللى مصر كلها عايشه حاله من القلق والخوف من اللى جاى 

بس تعالوا نشوف نتايج اللى حصل ده ايه واحنا اتحقق حاجات من مطالبنا ولا لاء

 

الريس معتقدش انه هيترشح تانى للحكم

حوار التوريث دا كمان اتقفل خالص 

اكبر رموز الفساد ومن اكتر الناس المكروه فى مصر غار والحمد لله احمد عز

عمر سليمان نائب للريس

 مجلس الشعب هياخد باحكام محمكه النقض واللى معاه هيقدمه ويتنفذ

الوزاره اتغيرت ومحدش يقولى ما هيا وزاره الحزب برده ومفهاش معارضه ما هو محدش هيرضى يجى وزاره ممكن تمشى قبل ما تشتغل اصلا

عمر سليمان هيقعد مع الشباب والمعارضه ويتفوضوا

الوزاره الجديده هتعلن خلال كام يوم السياسات الجديده للاصلاح وحل مشاكل البطاله ومكافحه الفساد

متهيألى ديه مكاسب كبيره وكتيره مكنش حد يتوقعها بس الوقتى لازم الناس تسيب الشارع  ونروح للحوار مع عمر سليمان ومعتقدش انه الامور هترجع زى قبل يوم 25 يناير  وتتفوضوا فى تغيير الدستور والمطالب اللى لسه محتاجنها ...

وكمان الناس لازم تسيب الشارع عشان برده الاستقرار يجرع تانى لمصر والامان يرجع تانى (مع ان الامن بعنا بيعه وسخه) لازم الوقتى نفكر فى الاهم فى استقرار مصر وأمن مصر ...

طيب الوقتى افرض الرجاله قالت لا مش نتفاوض واحنا مطالبنا اسقاط النظام هيبقى ايه الوضع هيكون حاجه من اتنين واللى اتنين اوسخ من بعض 

 

اول حاجه ممكن تحصل ان النظام يسقط فعلا وبعدها هندخل حاله من الفوضى والاحزاب والمعارضه هتتخانق على اللى يمسك البلد وحلنى بقه على ما المشاكل ديه تتحل

الحاجه التانيه ان النظام لما يلاقى مفيش فايده من الكلام يروح للحل التانى اللى هو القمع والاعتقالات وهنا ناس كتير هتقع ضحايا وناس هتتحبس وهتبقى بهدله جامده وكده رجعنا خمسيييييييييييين سنه لوره

يا ريت الناس تفكر كويس فى الحاجات ديه عشان مصر مش عشان حاجه تانيه

من الاخر ده وقت الحوار مش وقت العند